ყველაზე მთავარია, უკრაინამ იარაღი მაქსიმალურად სწრაფად მიიღოს, – ამის შესახებ უკრაინის პრეზიდენტმა, ვოლოდიმირ ზელენსკიმ უკრაინის პარტნიორების მიერ გაწეული სამხედრო მხარდაჭერის მნიშვნელობაზე საუბრისას განაცხადა.
მისივე თქმით, უკრაინას კიდევ მოუწევს ბრძოლა, რათა კიევმა თანამედროვე ტანკები მიიღოს.
„ჩვენი პარტნიორები პრინციპულები არიან, ისინი უკრაინას მხარს დაუჭერენ იმდენ ხანს, რამდენიც საჭიროა გამარჯვებისთვის. დიახ, ჩვენ კიდევ მოგვიწევს ბრძოლა თანამედროვე ტანკების მისაღებად, მაგრამ ყოველდღე უფრო ნათელი ხდება, რომ ტანკების შესახებ გადაწყვეტილება აუცილებლად უნდა იყოს მიღებული“, – აღნიშნა ზელენსკიმ.
გუშინ უკრაინის პარტნიორი ქვეყნებმა რამშტაინის ბაზაზე გამართულ შეხვედრაზე გერმანული ტანკების უკრაინისთვის მიწოდების საკითხზე გადაწყვეტილება ვერ მიიღეს.
კომენტარები