გერმანიის მთავრობამ უკრაინისთვის “ლეოპარდ-2”-ის ტიპის ტანკების გადაცემის გადაწყვეტილება მიიღო.
ამის შესახებ გერმანიის მთავრობის ვებგვერდზე გამოქვეყნებულ განცხადებაშია ნათქვამი.
აღნიშნულია, რომ გადაწყვეტილების შესახებ კანცლერმა, ოლაფ შოლცმა მთავრობის დღევანდელ სხდომაზე გამოაცხადა.
“ეს არის უახლოეს ევროპელ და გერმანიის საერთაშორისო პარტნიორებთან ინტენსიური კონსულტაციების შედეგი“, – ნათქვამია განცხადებაში.
ხაზგასმულია, რომ მოკავშირეების მიზანია – Leopard 2 ტანკებით ორი ბატალიონის სწრაფად მობილიზება.
უკრაინული ეკიპაჟების წვრთნა გერმანიაში, უახლოეს მომავალში უნდა დაიწყოს. სწავლების გარდა, პაკეტი ასევე მოიცავს ლოჯისტიკას, საბრძოლო მასალისა და სისტემების მოვლას.
„გერმანია აძლევს პარტნიორ ქვეყნებს, ტანკების გადაცემის ნებართვას”, – ნათქვამია განცხადებაში.