უკრაინის პრეზიდენტმა, ვოლოდიმირ ზელენსკიმ გერმანიის მთავრობას ტანკების მიწოდების გადაწყვეტილებისთვის მადლობა გადაუხადა.
„გერმანული საბრძოლო ტანკები, თავდაცვითი მხარდაჭერის შემდგომი გაფართოება და საწვრთნელი მისიები, მწვანე შუქი პარტნიორებისთვის მსგავსი იარაღის მიწოდებაზე. ამ მნიშვნელოვანი და დროული გადაწყვეტილებების შესახებ ახლახან გავიგე გერმანიის ფედერალურ კანცლერთან, ოლაფ შოლცთან [სატელეფონო] საუბრისას. გულწრფელად მადლობელი ვარ ოლაფ შოლცის და გერმანიაში ყველა ჩვენი მეგობრის“, – აღნიშნა უკრაინის პრეზიდენტმა.
საწყის ეტაპზე გერმანია უკრაინას Leopard 2-ის 14 ტანკს მიაწვდის. ამის შესახებ დღეს გერმანიის მთავრობაში განაცხადეს.
კომენტარები