იმის ნაცვლად, რომ თავიანთი შეცდომები აღიარონ, პირიქით იქცევიან და ცდილობენ დაიცვან ის, რისი დაცვაც უბრალოდ შეუძლებელია, – ასე გამოეხმაურა „გირჩის“ წევრი ალექსანდრე რაქვიაშვილი „ნაციონალური მოძრაობის“ პარტიის პოლიტსაბჭოს ხელმძღვანელის, კობა ნაყოფიას განცხადებას.
„ცხადია, რომ მათ შორის, ამ ფარული ჩანაწერებით დაამახსოვრდა ჩვენს მოსახლეობას „ნაციონალური მოძრაობის“ მმართველობის პერიოდი, მაგრამ მე მგონი ეს კერძო შემთხვევაა ზოგადი პრობლემის. თვითონ „ნაციონალურ მოძრაობას“ იცავს და ამაყობს იმით, რაც არ უნდა დაიცვა და არ უნდა იამაყო. იმის ნაცვლად, რომ თავიანთი შეცდომები აღიარონ და კრიტიკულად გადაიაზრონ რა ხდებოდა ცუდი, იქნებოდა ეს ფარული ჩანაწერები თუ სხვა, ამის ნაცვლად პირიქით იქცევიან და ცდილობენ დაიცვან ის, რისი დაცვაც უბრალოდ შეუძლებელია“, – განაცხადა რაქვიაშვილმა.
„როდესაც ნაციონალური „მოძრაობა ხელისუფლებაში“ იყო, გაიხსენეთ ფარული ჩანაწერების გავრცელების ერთი ფაქტი”, – ამ განცხადების ვტორი კობა ნაყოფიაა. ის, რაც პარტიის პოლიტსაბჭოს ხელმძღვანელმა ვერ ან არ გაიხსენა, სახელისუფლებო გუნდიდან შეახსნეს. პოლიტიკური წარსულის შეფასებისას კობა ნაყოფიას დღეს მეხსიერება დაუწუნეს და მოუწოდეს თვალი გადაავლოს სააკაშვილის მმართველობის ცხრაწლიან პერიოდს, რომელიც, „ქართული ოცნების“ შეფასებით, მოსმენებით, ფარულ ჩანაწერებისა და პირადი ცხოვრების ამსახველი მასალების გასაჯაროებითაა ცნობილი.