ფარული ჩაწერები რომ ხდებოდა და ამ ყველაფრის მანკიერი პრაქტიკა არსებობდა, ეს არ დაგვიმალავს. შესაბამისად, ეს ერთხელ და სამუდამოდ უნდა დასრულდეს, – ამის შესახებ „ნაციონალური მოძრაობის“ წევრმა, ბაჩო დოლიძემ „ქრონიკას“ განუცხადა.
„მე პირადად, გავრცელება არ მახსოვს. ფარული ჩაწერები რომ ხდებოდა და ამ ყველაფრის მანკიერი პრაქტიკა რომ არსებობდა, ეს არ დაგვიმალავს. შესაბამისად, ეს ერთხელ და სამუდამოდ უნდა დასრულდეს. მტკიცებაზე არაა საუბარი. აქ საუბარია, მასობრივად გავრცელებაზე და ზოგადად, საუბარი იყო, რომ ამ პრეცედენტს ადგილი არ უნდა ჰქონდეს არა თუ ქართულ პოლიტიკაში, არამედ საერთოდ, ამ ქვეყანაში, თუკი გვაქვს პრეტენზია, რომ ნორმალურ ცივილურ ქვეყანაში უნდა ვიცხოვროთ. ნუ, ახლა მაგას ვინ უარყოფს და ვინ დავობს?!“, – აღნიშნა დოლიძემ.
კობა ნაყოფიამ განაცხადა, რომ როდესაც ნაციონალური მოძრაობა ხელისუფლებაში იყო, ვერავინ გაიხსენებს ფარული ჩანაწერების გავრცელების ვერცერთ ფაქტს.