“ნაციონალური მოძრაობა” ცდილობს, გადაწეროს ისტორია. ცდილობს იმის შებრუნებასა და სხვა სახით წარმოდგენას, რისი მომსწრეებიც ჩვენ ვიყავით. ზოგადად ტერმინი „ფარული ჩანაწერი“, თუკი დავფიქრდებით, ჩვენს ყოფაში სწორედ „ნაციონალური მოძრაობის“ რეჟიმის დროს შემოვიდა, – ასე აფასებს პარლამენტის თავმჯდომარე შალვა პაპუაშვილი “ნაციონალური მოძრაობის” პოლიტსაბჭოს თავმჯდომარის, კობა ნაყოფიას განცხადებას, სადაც ის ამბობს, რომ ვერ გაიხსენებს “ნაციონალური მოძრაობის” მმართველობის დროს ფარული ჩანაწერების გავრცელების ვერცერთ ფაქტს, რადგან ეს პარტიისთვის წითელი ხაზია.
“ეს არის ისტორიის გადაწერის მცდელობა. არა მხოლოდ ამ, არამედ სხვა საკითხებზეც “ნაციონალური მოძრაობა” ცდილობს, გადაწეროს ისტორია. ცდილობს იმის შებრუნებასა და სხვა სახით წარმოდგენას, რისი მომსწრეებიც ჩვენ ვიყავით. ზოგადად ტერმინი „ფარული ჩანაწერი“, თუკი დავფიქრდებით, ჩვენს ყოფაში სწორედ „ნაციონალური მოძრაობის“ რეჟიმის დროს შემოვიდა. სახელმწიფოს მხრიდან ადამიანების კონტროლი, უკანონო ჩაწერა და მოსმენა არის ის, რაც “ნაციონალურ მოძრაობას” და მის რეჟიმს განსაკუთრებით ახასიათებდა“, – განაცხადა შალვა პაპუაშვილმა.