მიხეილ სააკაშვილის დედამ, გიული ალასანიამ ექსპრეზიდენტის მიერ ჟურნალ „შპიგელისთვის“ მიცემული ინტერვიუს შეფასებისას თქვა, რომ მოსკოვმა მიხეილ სააკაშვილის საქართველოში ჩამოსატყუებლად „საინფორმაციო-ფსიქოლოგიურ სპეცოპერაციას“ მიმართა.
„მიდიოდნენ სხვადასხვა ადგილებში, სადაც ნახავდნენ, აეროპორტი იქნებოდა, კაფე იქნებოდა თუ ქუჩა, მიდიოდნენ და არწმუნებდნენ, რომ მისი ჩამოსვლა სასწრაფოდ არის აუცილებელი და ეს უსათუოდ უნდა მოხდეს ოქტომბრამდე“, – განაცხადა გიული ალასანიამ. მისი თქმით, კრემლს სურდა, რომ ომის დროს სააკაშვილი უკრაინის პრეზიდენტის, ვოლოდიმირ ზელენსკის გვერდით არ ყოფილიყო.
„მზადდებოდა ოპერაცია უკრაინაში და ამ დროს ის არ უნდა ყოფილიყო ზელენსკის გვერდით, ეს იყო ამოცანა და ამ ამოცანას მიაღწია კრემლმა – ჰყავთ ახლა აქ გამოკეტილი წელიწადი და ოთხი თვეა, ფაქტობრივად კლავენ“, – განაცხადა გიული ალასანიამ.