თურქეთსა და სირიაში 7.8 მაგნიტუდის სიმძლავრის მიწისძვრის შედეგად დაღუპულთა რიცხვი 641-მდე გაიზარდა.
როგორც მედია წერს, აქედან, სულ მცირე 245 ადამიანი თურქეთის შვიდ პროვინციაშია დაღუპული, 237 სირიის მხარეს, მთავრობის მიერ კონტროლირებად ტერიტორიაზე, 150-მდე კი, მეამბოხეთა მიერ კონტროლირებად ტერიტორიაზე. ორივე ქვეყანაში, დაშავებულია ათასობით ადამიანი. მხოლოდ გაზიანტეპსა და კარამანმარასის პროვინციებში 900-მდე საცხოვრებელი სახლი განადგურდა.
საავადმყოფო ჩამოინგრა ისკანდერუნში. შიშობენ, რომ მსხვერპლთა რიცხვი გაიზრდება. ნანგრევებში მოყოლილთა გადასარჩენად ამ დრომდე მიმდინარეობს სამძებრო-სამაშველო ოპერაციები. მიწისძვრა ადგილობრივი დროით 4:17 საათისთვის მოხდა, ეპიცენტრი მიწისქვეშ თითქმის 18 კილომეტრის სიღრმეზე დაფიქსირდა.
კომენტარები