თვეების განმავლობაში არ გახსენებიათ კომისიის ჩამოყალიბება. შემდეგ ბიურო. დღეს დასვეს ბიუროს წინაშე საკითხი. ამასაც თავისი წესი და რიგი აქვს, ბიურომ მიიღო ეს საკითხი და მოხდება დღის წესრიგში რიგითობის მიხედვით, როგორც ეს არის გათვალისწინებული, – ამის შესახებ საპარლამენტო უმრავლესობის წევრმა ირაკლი ქადაგიშვილმა „ქრონიკასთან“ განაცხადა.
„მათ სურთ, რომ მხოლოდ მათი ინტერესი იყოს გათვალისწინებული და ისიც უკანონოდ. როგორც თვითონვე ამბობენ, მათ არ აქვთ შიდა ოპოზიციური დისციპლინა და ფიქრობენ, დღეს არის საუკეთესო საშუალება და დრო ამ გადაწყვეტილების მისაღებად. ხვალ და ზეგ თუ ასეთი მნიშვნელოვანია, რა უშლით ხელს?“, – განაცხადა ქადაგიშვილმა.
ოპოზიცია პარლამენტში სასამართლო სისტემის შემსწავლელი დროებით საგამოძიებო კომისიის შექმნას ითხოვს. საგამოძიებო კომისიის შექმნის საკითხი, ჯერ ბიუროს სხდომაზე უნდა დარეგისტრირდეს, შემდეგ კი კენჭი უყარონ.