თავიდანვე განვაცხადე, რომ მხარს დავუჭერ სააკაშვილის საკითხზე კომისიის არსებობას, მაგრამ ამ კომისიაში არ ვიმუშავებდი, – ამის შესახებ ოპოზიციონერმა დეპუტატმა ხათუნა სამნიძემ განაცხადა.
„ეს არის „ნაციონალური მოძრაობის“ გადასაწყვეტი. მათ გადაწყვიტეს, რომ ასეთი კომისია უნდა არსებობდეს საკანონმდებლო ორგანოში. მე თავიდანვე განვაცხადე, რომ მხარს დავუჭერ ასეთი კომისიის არსებობას, მაგრამ ამ კომისიაში არ ვიმუშავებდი“,- აღნიშნა სამნიძემ.
„ნაციონალურ მოძრაობას“ ოპოზიციონერი კოლეგების დარწმუნება მოუწევს, რომ სააკაშვილის საქმეზე საგამოძიებო კომისიის შექმნას მხარდაჭერა ჰქონდეს. წინააღმდეგ შემთხვევაში მათ ინიციატივას საკმარისი ხმები არ ექნება.
საგამოძიებო კომისიის შექმნის მიზანია პარლამენტში დროებითმა კომისიამ შეისწავლოს ირღვეოდა თუ არა პენიტენციურ დაწესებულებაში პატიმრის უფლებები და ისიც, იმყოფება თუ არა ექსპრეზიდენტი კლინიკა „ვივამედში“ სათანადო პირობებში.