“ნაციონალური მოძრაობის“ მიზანია, დააზიანოს ევროინტეგრაციის პროცესი”

საპარლამენტო უმრავლესობის წევრის, რატი იონათამიშვილის განცხადებით, პარლამენტში რეგისტრაციის გავლასთან დაკავშირებით „ქართული ოცნების“ გუშინდელი გადაწყვეტილება მოსამართლეების მიმართ სოლიდარობის აქტი იყო.

მისივე თქმით, „ქართული ოცნებისთვის“ მნიშვნელოვანია, სასამართლო იყოს დამოუკიდებელი.

„რადიკალური ოპოზიცია, საპარლამენტო ზედამხედველობის თვალსაზრისით, არაფერს აკეთებს. ჩვენი მხრიდან გუშინ იყო სოლიდარობის აქტი, რადგან სასამართლოს დამოუკიდებლობა ნიშნავს ქვეყნის დამოუკიდებლობას. „ნაციონალურ მოძრაობას“ ერთადერთი მიზანი აქვს – რამენაირად ხელყოს სასამართლოს დამოუკიდებლობა და დააზიანოს ევროინტეგრაციის პროცესი. ისინი აწყობენ შოუს. ჩვენთვის მნიშვნელოვანია, სასამართლო იყოს დამოუკიდებელი“, – განაცხადა რატი იონათამიშვილმა.