ოპოზიციის დღის წესრიგი სასამართლოს დისკრედიტაციაა, – ამის შესახებ საპარლამენტო უმრავლესობის წევრმა, გივი მიქანაძემ ჟურნალისტებთან განაცხადა.
„ზუსტად 1 წლის წინ ევროპის საბჭომ მიიღო სპეციალური რეზოლუცია საქართველოსთან მიმართებაში და პოზიტიური ცვლილებები გამოკვეთა იმ დინამიკასთან მიმართებით, რომელიც არასაპატიმრო სასჯელების გამოყენებასა და აღკვეთის ღონისძიების სახით, პატიმრობის გამოყენების შემცირებასთანაა დაკავშირებული. ეს კიდევ ერთი მიმანიშნებელია იმაზე, თუ როგორ მოქმედებს სასამართლო ხელისუფლება“, – განაცხადა გივი მიქანაძემ.
რადიკალურ ოპოზიციას სასამართლოში არსებულ ვითარებაზე ოფიციალური სტატისტიკით პასუხობს მმართველი გუნდი. 2012 წლის შემდეგ 3-ჯერ ნაკლებია წინასწარი და ადმინისტრაციული პატიმრობა. 5-ჯერ ნაკლებია ჯარიმები, 18-ჯერ შემცირებულია გირაო, ორჯერ ნაკლებია საგამოძიებო მოქმედებებზე შუამდგომლობათა დაკმაყოფილება და 3-ჯერ არის შემცირებული სტრასბურგში გაგზავნილი სარჩელები.