მართლაც სირცხვილია, როცა რომან გოცირიძე გვეძახის წინა საუკუნის ხალხს, ანუ წარსულებს და თვითონ მიიჩნევს თავს მომავლად, სინათლედ, პირი, რომელიც „ნაციონალებმაც“ კი გააგდეს. ხაბეიშვილი რომ გაგაგდებს და საკუთარ თავს კაცად მიიჩნევ, წარმოუდგენელი უტიფრობაა, – ამის შესახებ საპარლამენტო უმრავლესობის წევრმა, ალუდა ღუდუშაურმა განაცხადა.
ღუდუშაურის თქმით, რომან გოცირიძე საქართველოს მოქალაქეებს, ღირსეულ ქართველებს აყენებს შეურაცხყოფას და სულელებს ეძახის.
„როგორ ბედავთ საერთოდ ეგეთ რაღაცებს, კაცი, რომელმაც საზოგადოებას თავი დაამახსოვრა, როგორც კუპონის მამამ, დღეს ასეთ სამარცხვინო რაღაცებს ბედავს. დარწმუნებული ვარ, ამას ჩვენი საზოგადოება კარგად ხედავს, მაგრამ მის ამ განცხადებაზე გვერდზე მომღიმარი თავისი კოლეგები, თუ ყოფილი კოლეგები „ნაციონალური მოძრობიდან“ აჟიტირებულები რომ ქირქილებდნენ და უხაროდათ, მაგიტომ ხართ 3-4-პროცენტიანები, მაგიტომ ხართ, რომ თავმჯდომარედ გყავთ ცირკის მასხარა ხაბეიშვილი, მაგიტომ ხართ მაგ უბედურ დღეში“, – აღნიშნა ალუდა ღუდუშაურმა.
ღუდუშაურმა ოპოზიციის წარმომადგენლებს მიმართა, რომ არჩევნებზე საკუთარ ქმედებებზე პასუხს მიიღებენ.
„ვინ ვინ და თქვენ როდესაც ბედავთ და გვეუბნებით (ხატია დეკანოიძე გვეუბნებოდა, ანტიდასავლური ძალა ხართო), თურმე კონსტიტუციას, კანონებს, რეგლამენტს ვარღვევთ, 8 თვის განმავლობაში, ბოდიში და, ფეხებზე რომ დაიკიდეთ საკუთარი ამომრჩევლის გადაწყვეტილება, თქვენ მანდატები მამათქვენის და ბებიათქვენის გადმოცემული რაღაც სუვენირი გგონიათ, ასე რომ ექცევით ამ გადაწყვეტილებას, მაგიტომაც ხართ ფარჩაკები და ტურები. უსინდისოები, როგორ ბედავთ ხალხის შეურაცხყოფას, ვინ არის ანტიდასავლური ძალა? დემოკრატიაზე, მართლმსაჯულებაზე, კონსტიტუციაზე, ბიზნესზე როცა საუბრობთ, დაასახელეთ, რა გააკეთეთ, რა გაააკეთეთ ქვეყნისთვის. რა ეკონომიკა, რა დასავლური კურსი, ყველას კარგად გვახსოვს ეს ამბავი. როგორ წარმოგიდგენიათ, რა რეკომენდაციებს შეასრულებდით მაგალითად, მეგის ქარდავას თაოსნობით, ნაწამები, გაუპატიურებული და პატივაყრილი საკუთარი მოქალაქეებით. გეკითხებით, საზოგადოება გეკითხებათ და გაეცით პასუხი. დიახ, უამრავი გამოწვევის, უამრავი სირთულის ხარჯზე, ჩვენ ამ გზასაც გავივლით. ამ სირთულეებს და გამოწვევებსაც გადავლახავთ ქართველ ხალხთან ერთად და ამ სამარცხვინო წარსულსაც მივუჩენთ საკუთარ ადგილს. დიახ, ჩვენი ქვეყნისა და ხალხისთვის, მიუხედავად შეცდომებისა, ერთად გავაკეთებთ იმას, რომ ჩვენი ქვეყანა იყოს უფრო ძლიერი, ღირსეული წევრი დასავლური დიდი ოჯახისა. ქართველ ხალხთან ერთად და არანაირი პატივისაყრით და ღირსებაშელახვით, თავი დაანებეთ ამ სიცრუეზე ლაპარაკს, კიდევ ერთხელ გეუბნებით, ნუ ბედავთ. მე ხელთ მიჭირავს ფიცი, რომელიც ყველა დეპუტატმა დადეთ და ხელი მოაწერეთ. აქ წერია საქართველოს სიძლიერისთვის, ქართველი ხალხის ერთობისთვის და არა სხვა რაღაცებისთვის, კეკლუცობისა და ფარჩაკობისთვის არ მოგვიწერია ხელი. ვინც ამას ხელი მოაწერა, საკუთარ თავში ჩაიხედოს“, – განაცხადა ალუდა ღუდუშაურმა.