სამწუხაროდ, ჩვენს პოლიტიკაში ყველაფერი მოსულა და ამიტომაც აქვთ პოლიტიკოსებს სახელი გატეხილი, – ამის შესახებ „გირჩის“ წევრმა, ალექსანდრე რაქვიაშვილმა გიორგი ვაშაძის განცხადების კომენტირებისას ისაუბრა.
„ამის მთავარი პრობლემა არის ის, რომ ამბად ან ფაქტად წარმოაჩენ იმას, რაც თავის ფანტაზიებში ხდება, ამიტომ ამის კომენტირება ძალიან რთულია. წინაზე ხომ იმაში ვადანაშაულებდით „ქართულ ოცნებას“, რომ რუსეთთან მაქსიმალურად მყარ ურთიერთობებს აყალიბებს და ადამიანს, რომელსაც ომის დაწყება უნდა, პირიქით მოიქცეოდა მაშინ. ასეთი უკიდურესი არათანმიმდევრულობა და პასუხისმგებლობის არ აღება საკუთარ სიტყვებზე, პოლიტიკოსის იმიჯს აფუჭებს“, – განაცხადა რაქვიაშვილმა.
„სტრატეგია აღმაშენებლის“ ლიდერმა, გიორგი ვაშაძემ განაცხადა, რომ არაა გამორიცხული, „ქართული ოცნება“ რუსეთთან ერთად პროვოკაციას და ხელოვნურ ესკალაციას გეგმავდეს საქართველოს საგარეო ვექტორის შესაცვლელად.