„რესპუბლიკელმა“ სენატორმა, ლინდსი გრემმა განაცხადა, რომ ბრალის წაყენება დონალდ ტრამპს გააძლიერებს.
„ვფიქრობ, დონალდ ტრამპი დღეს უფრო ძლიერია პოლიტიკურად, ვიდრე ადრე იყო. ჩვენ გვექნება არჩევნები და გვექნება სასამართლო პროცესი, მაგრამ გპირდებით ამას: ამერიკელების უმეტესობა მიიჩნევს, „რესპუბლიკელების“ უმეტესობა მიიჩნევს, რომ დონალდ ტრამპის წინააღმდეგ კანონს იარაღად იყენებენ“, – აღნიშნა ლინდსი გრემმა.
აშშ-ის ყოფილ პრეზიდენტს დონალდ ტრამპს საიდუმლო დოკუმენტების უკანონოდ გამოყენებასთან დაკავშირებით ბრალდება 37 პუნქტის მიხედვით წარუდგინეს.
49-გვერდიან საბრალდებო დასკვნაში ფიგურირებს ისეთი პუნქტები, როგორებიცაა „საიდუმლო დოკუმენტების უკანონო შენახვა“, „ყალბი ჩვენების მიცემა“, „შეთქმულება მართლმსაჯულების განხორციელებისათვის ხელის შეშლის მიზნით“.
თეთრი სახლის ყოფილი ლიდერი ბრალს არ აღიარებს და აშშ-ის მოქმედ პრეზიდენტს პოლიტიკური მოტივით დევნაში ადანაშაულებს. მაიამის სასამართლოს წინაშე 76 წლის ტრამპი 13 ივნისს უნდა წარდგეს.
აშშ-ის ყოფილ პრეზიდენტ დონალდ ტრამპს საიდუმლო დოკუმენტების უკანონოდ გამოყენებასთან დაკავშირებით იუსტიციის დეპარტამენტში მიმდინარე გამოძიების ფარგლებში ბრალი წაუყენეს.