პრეზიდენტი არ ცდილობს კოორდინირებული მუშაობა არსებობდეს პრეზიდენტს, ეროვნულ ბანკსა და ხელისუფლებას შორის, – ამის შესახებ საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა განაცხადა.
„ჩვენ დაინტერესებულები ვართ, რომ ეროვნულ ბანკში იყოს ის ვითარება, რომელიც საშუალებას მისცემს, კოორდინირებული ვითარების შედეგად ქვეყნის ეკონომიკური მდგომარეობა იყოს უზრუნველყოფილი. სამწუხაროდ, პრეზიდენტი არ ცდილობს ეს კოორდინირებული მუშაობა არსებობდეს პრეზიდენტს, ეროვნულ ბანკსა და ხელისუფლებას შორის, გამომდინარე აქედან გვიწევს ამ გადაწყვეტილების მიღება“,- აღნიშნა ქადაგიშვილმა.
პარლამენტში, პრეზიდენტის ვეტოზე კენჭისყრა მიმდინარე სასესიო კვირას გაიმართება. მანამდე კი ეროვნული ბანკის შესახებ კანონპროექტზე სალომე ზურაბიშვილის მოტივირებულ შენიშვნები საფინანსო საბიუჯეტო კომიტეტის სხდომაზე განიხილეს და მხარი არ დაუჭირეს. მმართველი გუნდის განმარტებით, პრეზიდენტი სახელმწიფო ინსტიტუტების ფუნქციონირებას საფრთხეს უქმნის.