ვაზიანის პოლიგონზე ქართულ-ამერიკული სამხედრო სწავლების ”ღირსეული პარტნიორის” საჩვენებელი სწავლება დასრულდა.
სწავლებაში მონაწილეობდა ერთობლივი, გაძლიერებული ოცეულის დონის დანაყოფი – 1 ამერიკული M1A2 ტიპის ტანკი ABRAMS, ერთი ქვეითთა საბრძოლო მანქანა M2 BRADLEY, T-72 ტიპის ტანკი და ქვეითთა საბროლო მანქანა “ბმპ 2”.
სწავლებაში ასევე მონაწილეობს ქართული CU-25 ტიპის თვითნფრინავი, UH-1H “იროკეზის” ტიპის შვეულმფრენი, ამერიკული 105 მმ. ჰაუბიცები და 81 მმ. ბრიტანული ნაღმტყორცნი.
სწავლების სცენარის მიხედვით, პირობით მოწინაამღდეგეზე პირველი იერიში სნაიპერებმა მიიტანეს. ქართველი, ამერიკული და ბრიტანელი სამხედროები პირობითი მოწინააღმდეგის დესანტის განადგურების შემდეგ ობიექტზე შეტევის ოპერაცია განახორციელეს. მოწინააღმდეგის პოზიციები ქართულმა CU-25 დაბომბა. საავიაციო იერიშის შემდეგ კი მოწინააღმდეგეზე შეტევა არტილერიამ და ჯავშანსატანკო დანაყოფებმა განახორციელეს. საჩვენებელი ოპერაცია ქვეითთა შეტევით დასრულდა.
დასკვნით საჩვენებელ სწავლებას საქართველოს თავდაცვის მინისტრი, გენერალური შტაბის უფროსი, აშშ-ს არმიის ევროპული ჯარების სარდალი, გენერალ-ლეიტენანტი ბენ ჰოჯესი, ნატო-ს ევროპული ძალების უმაღლესი მთავარსარდლის მოადგილე გენერალი სერ ადრიან ბრედშოუ, საპარლამენტო უმრავლესობისა და უმცირესობის დეპუტატები, ასევე ამერიკის შეერთებული შტატებისა და დიდი ბრიტანეთის ელჩები და პრეზიდენტის მრჩეველი ფიქრია ჩიხრაძე დაესწრნენ. საჩვენებელი სწავლების შემდევ სწავლების მონაწილეები დაჯილდოვდნენ.
ქართულ-ამერიკული სწავლება “ღირსეული პარტნიორი” საქართველოში წელს მეორედ ჩატარდა და ქართული ასეულის ნატო-ს სწრაფი რეაგირების ძალებში მონაწილეობისთვის მზადყოფნის ამაღლებასა და თანამშრომლობის გაღრმავებას, სტაბილურობის, თავდაცვა-შეტევით ოპერაციებში უნარ-ჩვევების გაუმჯობესებას, ასევე აშშ-ის, დიდი ბრიტანეთისა და საქართველოს შეიარაღებული ძალების ურთიერთავსებადობის გაძლიერებას ისახავდა მიზნად.
სწავლების სცენარი სტბილურობის, შეტევა-თავდაცვის ოპერაციებს ემყარებოდა.
ქართულ-ამრიკულ სწავლებაში 1300 სამხედრო მოსამსახურე მონაწილეობდა – მათ შორის 500 ქართველი, აშშ-ს არმიის ევროპული სარდლობის 650 და დიდი ბრიტანეთისა და ჩრდილოეთ ირლანდიის გაერთიანებული სამეფოს 150 სამხედრო მოსამსახურე.