თურქეთის პრეზიდენტი რეჯეფ თაიფ ერდოღანი იმედოვნებს, რომ რუსეთთან „მარცვლეულის შეთანხმების“ გაგრძელებაზე შეთანხმდებიან.
„ჩვენ ვემზადებით აგვისტოში პუტინის მასპინძლობისთვის და ვთანხმდებით, რომ შავის ზღვის დერეფნის შეთანხმება უნდა გაგრძელდეს. გაერო-ს გენერალურმა მდივანმა, გუტიერეშმა ასევე გაუგზავნა წერილი პუტინს. იმედი მაქვს, ამ წერილით, ასევე ჩვენი და რუსეთის საერთო ძალისხმევით, მარცვლეულის დერეფნის შეთანხმება გახანგრძლივდება“, – განაცხადა ერდოღანმა.
„მარცვლეულის შეთანხმების“ გახანგრძლივების შესახებ კომენტარი რუსეთში ჯერ არ გაუკეთებიათ. გაერო-სა და თურქეთის მიერ მიღწეული შეთანხმების ვადა 17 ივლისს იწურება.
კომენტარები