დიდი ბრიტანეთის თავდაცვის მინისტრმა, ბენ უოლესმა, შესაძლოა, მალე თანამდებობა დატოვოს, – ამის შესახებ გამოცემა The Times-ი წერს.
გამოცემის ცნობით, დიდი ბრიტანეთის პრემიერ-მინისტრი რიში სუნაკი საკადრო გადანაცვლებებს ამზადებს. ამის ერთ-ერთ მიზეზად The Times-ი ასახელებს იმას, რომ დიდი ბრიტანეთის პრემიერ-მინისტრმა ვერ დაარწმუნა აშშ-ის პრეზიდენტი ჯო ბაიდენი და სხვა ლიდერები, ნატოს შემდეგი გენერალური მდივანი უოლესი გამხდარიყო.
გამოცემა ასევე ხაზს უსვამს იმას, რომ უოლესი პოლიტიკიდან მთლიანად წასვლას განიხილავს.
„ეს ცვლილება მომავალს ეხება და სუნაკი არჩევნებამდე საზოგადოებას ახალ გუნდს წარუდგენს. ბენი ალბათ არ აპირებს არჩევნებში მონაწილეობას, ამიტომ მისი პენსიაზე წასვლის დროა“, – განუცხადა გამოცემას მთავრობის წყარომ.
კომენტარები