დასავლეთ ჯორჯიის შტატის ქალაქ ჰემპტონში მასობრივი სროლის დროს სულ მცირე ოთხი ადამიანი დაიღუპა. ეჭვმიტანილი ჯერჯერობით არ დაუკავებიათ. შემთხვევა ადგილობრივი დროით 10:45 საათზე მოხდა.
მედიის ცნობით, ეჭვმიტანილმა, ანდრე ლონგმორმა ცეცხლსასროლი იარაღიდან ისროლა და მოკლა ოთხი ადამიანი – სამი მამაკაცი და ერთი ქალი.
სროლის მოტივი ჯერჯერობით უცნობია. ნებისმიერი ინფორმაციისთვის ჯილდოს სახით 10 000 დოლარია დაწესებული. ქვეყნის შერიფმა, მოუწოდა მოსახლეობას, რომ ლონგმორის გამოჩენის შემთხვევაში არ მიუახლოვდნენ მას, რადგან ვარაუდობენ, რომ ეჭვმიტანილი შეიარაღებულია.
კომენტარები