უკრაინის პრეზიდენტის ადმინისტრაციის ყოფილი მრჩეველი ალექსეი არესტოვიჩი აცხადებს, რომ შესაძლებელია, უკრაინა ნატოში „გერმანული მოდელით“ გაწევრიანდეს.
მისი განცხადებით, კიევის მიერ კონტროლირებადი ტერიტორიის ნატოში შესვლა, იმ პირობით, რომ დეოკუპაციამდე უკრაინის დანარჩენ ნაწილზე ალიანსის გარანტიები არ გავრცელდება, უკრაინისთვის „სუპერისტორიული შანსი“ იქნებოდა.
„ოკუპირებული ტერიტორიების ნაწილი რჩება ოკუპაციის ქვეშ, კიევის კონტროლის მიღმა. ტერიტორიის დიდი ნაწილით, ომის დასრულებით შემდეგ, შევდივართ ნატოში. ბევრი იტყვის, რომ ეს სუპერისტორიული შანსია. ეს გერმანიის ვარიანტს ჰგავს, როცა გერმანიის ფედერაციული რესპუბლიკა შედის ნატოში, გერმანიის დემოკრატიული რესპუბლიკა კი ცხადდება გერმანიის ტერიტორიად, რომელიც აუცილებლად გათავისუფლდება, თუმცა ნატოს გარანტიები მასზე არ ვრცელდება. პრინციპში, ეს კარგი გარიგებაა – გარკვეულწილად ამორალური, მაგრამ კარგი“, – აცხადებს არესტოვიჩი.