მიხეილ სააკაშვილის ადვოკატი შალვა ხაჭაპურიძე აშშ-ის იუსტიციის დეპარტამენტის ვებგვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ გამოქვეყნებულ ახალ ინფორმაციას გამოეხმაურა.
„ამერიკაში დაქირავებულ ადვოკატს საქართველოს ინტერესები ნაკლებად აინტერესებს. მას უფლება აქვს განახორციელოს ნებისმიერი მოქმედება, რომელიც დაიცავს კლიენტის ინტერესებს. თუ ადამიანს კლავენ, საქართველო უნდა დაასანქცირონ. რა, საქართველო ხელშეუხებელია?“ – აცხადებს შალვა ხაჭაპურიძე.
აშშ-ის იუსტიციის დეპარტამენტის ვებგვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ ახალი ინფორმაცია გამოქვეყნდა. როგორც ირკვევა, ევროპარლამენტის რეზოლუციის პროექტი მიხეილ სააკაშვილის მიერ დაქირავებული ლობისტების შედგენილია.