საქართველოს საგარეო საქმეთა მინისტრი, ილია დარჩიაშვილი 20-21 ივლისს სამუშაო ვიზიტით პორტუგალიის რესპუბლიკას ეწვევა.
საგარეო უწყების ინფორმაციით, ვიზიტის ფარგლებში ილია დარჩიაშვილი შეხვდება პორტუგალიის საგარეო საქმეთა მინისტრს, ჟოაო გომეშ კრავინიოს, პორტუგალიის ეროვნული ასამბლეის პრეზიდენტს, აუგუშტუ სანტუშ სილვას და პორტუგალიის სახელმწიფო მდივანს ევროპის საკითხებში, ტიაგო ანტუნეშს.
ასევე გაიმართება შეხვედრები ეროვნული ასამბლეის საგარეო ურთიერთობათა და ევროპულ საქმეთა კომიტეტების თავმჯდომარეებთან და პორტუგალიურენოვანი ქვეყნების თანამეგობრობის (CPLC) აღმასრულებელ მდივანთან.
კომენტარები