თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთი არ დააყოვნებს ნაბიჯების გადადგმას, რომელიც საჭიროა შავი ზღვის მარცვლეულის შეთანხმებიდან რუსეთის გასვლის შედეგად შექმნილი საზიანო შედეგების თავიდან ასაცილებლად.
თურქეთის პრეზიდენტმა მარცვლეულის შეთანხმებას კაცობრიობისთვის სასიცოცხლო ინიციატივა უწოდა.
„შავი ზღვის მარცვლეულის ინიციატივის შეწყვეტას მთელი რიგი საზიანო შედეგები მოჰყვება, როგორიცაა სურსათზე ფასების მატება, ზოგიერთ რეგიონში შიმშილი და შემდეგ მიგრაციის ახალი ტალღები. ჩვენ არ ვყოყმანობთ გამოვიყენოთ ინიციატივა ამის თავიდან ასაცილებლად“, – განუცხადა პრეზიდენტმა ერდოღანმა ჟურნალისტებს.
კომენტარები