ბორის ჯონსონი ბრიტანეთში უკრაინის ელჩის, ვადიმ პრისტაიკოს გათავისუფლებას ეხმაურება. შესაბამისი განცხადება ბრიტანეთის ყოფილმა პრემიერმა Twitter-ზე გამოაქვეყნა.
„მწუხარებით ვემშვიდობები ვადიმ პრისტაიკოს, რომელიც უკრაინის დიდებული ელჩი და ამ ქვეყნის მეგობარი იყო. იმედი მაქვს, მალე სხვა ინკარნაციაში ვიხილავთ“, – წერს ჯონსონი.
განცხადება პრისტაიკოს გათავისუფლების შესახებ უკრაინის პრეზიდენტის ვებგვერდზე 21 ივლისს გამოქვეყნდა.
ვილნიუსში ნატოს სამიტის დროს უოლესმა განაცხადა, რომ უკრაინამ დასავლეთის მიმართ მადლიერება უფრო აქტიურად უნდა გამოხატოს. მან ასევე აღნიშნა, რომ 2022 წელს 11 საათი დახარჯა კიევში ჩასასვლელად, სადაც მას ეგრევე გადასცეს საჭირო შეიარაღების სია. „მე მათ ვუთხარი: იცით, ჩვენ Amazon-ი არ ვართ“, – იხსენებდა მინისტრი.
სამიტის დროს, პრესკონფერენციაზე ზელენსკიმ ამ განცხადებას უპასუხა: „არ ვიცი კიდევ როგორ გადავუხადო მადლობა. შეიძლება დილიდან გავიღვიძოთ და მინისტრს მადლობა ვუხადოთ. მომწეროს, როგორ უნდა გადავუხადო მადლობა და ასეც მოვიქცევი“, – განაცხადა ზელენსკიმ.
მეორე დღეს პრისტაიკომ ზელენსკის სიტყვებს „არაჯანსაღი სარკაზმი“ უწოდა და დასძინა, რომ უკრაინამ არ უნდა აჩვენოს რუსეთს, რომ მასსა და დასავლეთს შორის შეიძლება რაღაც გაუგებრობა იყოს.
Sad to say goodbye to @VPrystaiko who has been a great Ukrainian ambassador and friend to this country. I hope he will emerge soon in another incarnation! pic.twitter.com/EciW9D6c2J
— Boris Johnson (@BorisJohnson) July 21, 2023