საიდუმლო დოკუმენტების უკანონო გამოყენების ბრალდების საქმეზე დონალდ ტრამპის სასამართლო მომავალი წლის 20 მაისს ჩაინიშნა.
თავად ექსპრეზიდენტს, სასამართლოს გამართვა 2024 წლის არჩევნების შემდეგ სურდა, ამის მიუხედავად გახმაურებული საქმის სასამართლო განხილვები საარჩევნო კამპანიის აქტიურ ფაზაში დაიწყება.
პროკურორები აცხადებენ, რომ ტრამპი არალეგალურად ინახავდა საიდუმლო დოკუმენტებს მარ-ა-ლაგოს რეზიდენციაში. ტრამპი აცხადებს, რომ უდანაშაულოა და სასამართლო პროცესი მისი საარჩევნო კამპანიის განადგურებას ისახავს მიზნად.
კომენტარები