თურმე კონკრეტულ ფულით, რომელიც სააკაშვილის ოჯახმა გადაიხადა, მოხდა ლობისტების დაქირავება, კარგია, რომ ამერიკის მთავრობამ ეს დოკუმენტები გამოაქვეყნა, – ამის შესახებ პარლამენტის ვიცე-სპიკერმა არჩილ თალაკვაძემ განაცხადა.
„ამ ფულის შედეგია ის რეზოლუცია, სადაც საქართველოს უსამართლოდ აკრიტიკებდნენ, ამ ფულის შედეგი არის ის, რომ საერთაშორისო მედიაში საქართველოზე აბსოლუტური სიყალბე ვრცელდებოდა და ქვეყანას მაქსიმალურად აზიანებდნენ. ამ ფულის საშუალებით ხდებოდა ზეწოლა როგორც ევროპელ პოლიტიკოსებზე, ისე საქართველოს პრეზიდენტზეც იყო ამის მცდელობა. ეს არის ამორალური და არ ჯდება ცივილიზებული პოლიტიკის და ევროპული პოლიტიკის ფარგლებში. კარგია, რომ ამერიკის მთავრობამ ეს დოკუმენტები გამოაქვეყნა, ამის გარანტორი არის ის კანონი, რომელიც ათწლეულების წინ აშშ-ის ხელისუფლებამ მიიღო ზუსტად იმიტომ, რომ ასეთი ადამიანები ფულს იყენებენ ასეთი უმსგავსო მიზნებისთვის“, – აღნიშნა არჩილ თალაკვაძემ.