უკრაინის თავდაცვის მინისტრმა, ოლექსი რეზნიკოვმა განაცხადა, რომ უკრაინა გააგრძელებს თავდასხმებს რუსეთის მიერ ოკუპირებულ ყირიმსა და ქერჩის ხიდზე. ინფორმაციას ამის შესახებ ტელეკომპანია CNN-ი ავრცელებს.
„ყველა ეს სამიზნე არის ოფიციალური სამიზნე, რადგან ეს შეამცირებს მათ საბრძოლო შესაძლებლობებს და დაგვეხმარება უკრაინელების სიცოცხლის გადარჩენაში“, – აღნიშნა უკრაინის თავდაცვის უწყების ხელმძღვანელმა CNN-თან ინტერვიუში.
„ნორმალური ტაქტიკაა გაანადგურო შენი მტრის ლოგისტიკური ხაზები, რათა შეაჩერო მეტი საბრძოლო მასალის, მეტი საწვავის, მეტი საკვების მიღება და ა.შ. ამიტომ ჩვენ გამოვიყენებთ ამ ტაქტიკას მათ წინააღმდეგ“, – განაცხადა ოლექსი რეზნიკოვმა.
კომენტარები