უკრაინელი სამხედროები აცხადებენ, რომ დონეცკის ოლქში სოფელი სტარომაისკოე გაათავისუფლეს.
უკრაინის პრეზიდენტმა, ვოლოდიმირ ზელენსკიმ სოციალურ ქსელ „ფეისბუქში“ გაავრცელა ვიდეო, რომელშიც სამხედროები ამბობენ, რომ სოფელი რუსი ოკუპანტებისგან გაათავისუფლეს.
„35-ე ბრიგადამ, ასევე ამხანაგური ტერიტორიული თავდაცვის ბატალიონმა „არეიმ“, ამოცანის შესრულებისას გაათავისუფლეს სოფელი სტარომაისკოე. დიდება უკრაინას!“, – ამბობენ ვიდეოში უკრაინელი მებრძოლები.
„ჩვენი სამხრეთი! ჩვენი ბიჭები! დიდება უკრაინას!“ – წერს ზელენსკი.
დასახლებაზე კონტროლის აღდგენის შესახებ ინფორმაციას ავრცელებს უკრაინის თავდაცვის მინისტრის მოადგილე ანა მალიარიც. მისი თქმით, უკრაინელი სამხედროები დასახლებული პუნქტის წმენდას განაგრძობენ.
კომენტარები