ნაციონალების გამოსწორება არ იქნება არასდროს. მანიაკი ხალხია და ამ მანიაკების ხელისუფლებაში დაბრუნება არაფრით შეიძლება, – ამის შესახებ პარტია „მოქალაქეების“ ლიდერი ალეკო ელისაშვილი სოციალურ ქსელში წერს.
„ოცნება უნდა წავიდეს აუცილებლად, მაგრამ ნაციონალები იქ უნდა დარჩნენ სადაც არიან. შავაძე თუ მოღალატე იყო უნდა დაეჭირათ და გაესამართლებინათ. ორჯერ ორი ოთხია, მაგრამ არა ამ შემზარავი ნაციონალებისთვის“, – აცხადებს ელისაშვილი.
„შავაძის დაღუპვის ამბის ერთი ვერსიაა, რომ 2008 წელს მოკლეს, მეორეა, რომ ქართველთა პოზიციები გასცა, ოღონდ სტრასბურგს ამას ვერ აუხსნი“, – ამის შესახებ ყოფილმა დეპუტატმა, დავით დარჩიაშვილმა სოციალურ ქსელში დაწერა.
საქართველოს გენერალურმა პროკურატურამ თავდაცვის სამინისტროს ბრიგადის სერჟანტის 2008 წლის აგვისტოს ომის მონაწილის როინ შავაძის უკანონო დაკავების, განზრახ მკვლელობის და სამსახურებრივი უფლება-მოსილების გადამეტების ბრალდებით, სისხლის სამართლებრივი დევნა 10 პირის მიმართ დაიწყო.