ბათუმის ნავსადგურში გამართულ აქციაზე სამართალდამცველებმა 9 ადამიანი დააკავეს. ისინი სამართალდამცველების კანონიერ მოთხოვნებს არ ემორჩილებოდნენ.
„სამართალდამცველების არაერთი მოწოდების მიუხედავად, აქციის მონაწილეები არ დაემორჩილნენ მათ კანონიერ მოთხოვნას, რის შედეგადაც ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 9 ადამიანი. აქციის მონაწილეებს მოვუწოდებთ, არ გასცდნენ შეკრებისა და გამოხატვის თავისუფლების კანონით დასაშვებ ფარგლებს“, – აღნიშნეს შსს-ში.
ბათუმის ნავსადგურში საპროტესტო აქცია მთელი ღამის განმავლობაში მიმდინარეობდა. საკრუიზო ლაინერი Astoria Grande, რომელზეც რუსეთის მოქალაქეები იმყოფებიან, ნავსადგურში დილის 06:00 საათისთვის შევიდა. მას აქციის მონაწილეები პროტესტით დახვდნენ.
ადგილზე სამართალდამცველებთან რამდენჯერმე სიტყვიერი დაპირისპირება მოხდა.