“ეს არის ხალხი, ვინც კუდის ქიცინით ხვდებოდა რუსეთიდან შემოსულ ტურისტებს და საქართველოს სტრატეგიული ობიექტები რუსეთს მიჰყიდა”

ბათუმის პორტში განვითარებულ მოვლენებს თბილისში აფასებენ.

საქართველოს პარლამენტის თავმჯდომარის პირველი მოადგილის განცხადებით, ინფორმაცია იმასთან დაკავშირებით, რომ ლაინერზე არიან ადამიანები, ვინც დაარღვია საოკუპაციო კანონი, არ შეესაბამება სინამდვილეს.

“ამ შემთხვევაში ჩვენ საქმე გვაქვს სიყალბესთან, რომელიც საკმაოდ სერიოზულად გადმოჩქეფს “ნაცმოძრაობის” ამ აქციაში. შეიძლება გულწრფელადაც არის ვინმე იქ მისული, მაგრამ ეს არის ხალხი, ვინც კუდის ქიცინით ხვდებოდა რუსეთის მხრიდან შემოსულ არამარტო ტურისტებს, ეკონომიკას და მთელი საქართველოს სტრატეგიული ობიექტები რუსეთს მიჰყიდა.

ახლა ზუსტად იგივე ხალხი აპროტესტებს იმ გაგებით, რომ თურმე ლაინერზე არიან ადამიანები, ვინც დაარღვია საოკუპაციო კანონი, რაც არ შეესაბამება სინამდვილეს,” – აცხადებს გიორგი ვოლსკი.