მმართველი გუნდის წევრი, რატი იონათამიშვილი აშშ-ის ყოფილ პრეზიდენტის, დონალდ ტრამპის საქმეს გამოეხმაურა.
“ფაქტობრივად, ეს იყო, რაზეც ოპოზიცია დეზინფორმაციულად ცდილობდა საბოტაჟის გამოწვევას და პოლიტიკური კრიზისის ხელოვნურად შექმნას. ამ ლოგიკით გამოდის, რომ მთელი რადიკალური ოპოზიცია პასუხისგებაშია მისაცემი.
აქედანაც ძალიან სწორად და კარგად იკვეთება, თუ როგორ ანტისახელმწიფოებრივად იქცეოდა რადიკალური ოპოზიცია ჩვენს ქვეყანაში 2020 წლის არჩევნების დროს. ისინი ამით ფაქტობრივად შეურაცხყოფას აყენებდნენ ჩვენი მოქალაქეების არჩევანს, რომელმაც „ნაციონალურ მოძრაობას“ უთხრა უარი და ძალიან მაღალი ლეგიტიმაციით მხარი დაუჭირა „ქართულ ოცნებას“, – აღნიშნა რატი იონათამიშვილმა.
ცნობისთვის, აშშ-ის ყოფილ პრეზიდენტ დონალდ ტრამპს შეერთებული შტატებისა და მისი მოქალაქეების წინააღმდეგ ჩადენილი დანაშაულისთვის ბრალი ოფიციალურად წაუყენეს – 2020 წლის საპრეზიდენტო არჩევნების შედეგების მოტყუებით შეცვლის მცდელობაში.