“პარლამენტიდან უნდა გამოიყვანო ეს ცრუპენტელა ოპოზიცია და ტრამპის ბრალი წააკითხო, რომ ამოიკითხონ საკუთარი სახელი და გვარი”

პარლამენტიდან უნდა გამოიყვანო ეს ცრუპენტელა ოპოზიცია და ტრამპის ბრალი წააკითხო, რომ ამოიკითხონ საკუთარი სახელი და გვარი, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ, ალუდა ღუდუშაურმა განაცხადა.

„აქედან უნდა გამოიყვანო ეს ცრუპენტელა ოპოზიცია, რომლებიც პარლამენტში სხედან, ან გარედან ურტყამდნენ ქვეყანას და ვერ მოხვდნენ პარლამენტში. უნდა გამოიყვანო და ეს ბრალი წააკითხო ამ ადამიანებს და ამოიკითხონ საკუთარი სახელი და გვარი. აბსოლუტურად ერთი-ერთზე წყლის ორი წვეთივით, გაჭრილი ვაშლივით ჰგავს ერთმანეთს. სამი კვირის განმავლობაში ეს ინფორმაცია დამალეს, არ მიაწოდეს საზოგადოებას და არ თქვეს, რომ ეს არის გაყალბებული შედეგები. USAID-მა იცოდა აღნიშნულის შესახებ, თუმცა ამ დროს მაშინდელ პოლიტიკურ პროცესებში ერთ-ერთ ფასილიტატორად იყო USAID ჩართული“, – აღნიშნა ღუდუშაურმა.

ინფორმაციისთვის, ნაფიცმა მსაჯულებმა მხარი დაუჭირეს დონალდ ტრამპისთვის ბრალის წაყენებას 2020 წლის საპრეზიდენტო არჩევნების შედეგების გაუქმების მცდელობის საქმეზე.