რომის პაპ ფრანცისკეს ეჭვი ეპარება, რომ დასავლეთის ქვეყნები მსოფლიოში მშვიდობის დამყარებისკენ, დაწყებული უკრაინის გამანადგურებელი ომით, სწორი მიმართულებით მოძრაობენ.
ამის შესახებ მან პორტუგალიაში მოგზაურობისას განაცხადა, – წერს Vatican News-ი.
პონტიფიკოსმა დაგმო იარაღის წარმოებაში ინვესტიციების ზრდა და აღნიშნა, რომ ეს იწვევს “ნამდვილი ადამიანური კაპიტალის ამოწურვას: განათლებას, ჯანდაცვას, კეთილდღეობას”.
„ევროპისადმი ღრმა სიყვარულით და დიალოგის სულისკვეთებით, რომელიც განასხვავებს ამ კონტინენტს, შეგვიძლია, ვკითხოთ მას: „სად მიცურავ, თუ არ უჩვენებ მსოფლიოს მშვიდობის გზებს, კრეატიულ გზებს უკრაინაში ომის დასრულებისა და მრავალი სხვა კონფლიქტისთვის, რომლებიც ამდენ სისხლის ღვრას იწვევს?”, – თქვა ფრანსისკმა.
მან დასძინა, რომ ოცნებობს ევროპაზე, “რომელიც თავის დიდ ნიჭს გამოიყენებს კონფლიქტების მოსაგვარებლად”.
გასულ უქმეებზე რომის პაპმა რუსეთს მარცვლეულის ინიციატივის განახლებისკენ მოუწოდა და მიმართა „ძმებს, რუსეთის ფედერაციის ხელისუფლებას“.