პოლონელმა სამართალდამცველებმა ავტობუსი გააჩერეს, რომელშიც არალეგალური მიგრანტების დიდი ჯგუფი იმყოფებოდა.
მედიის ცნობით, მესაზღვრეებმა ავტობუსი 3 აგვისტოს საღამოს სლოვაკეთის საზღვართან იპოვეს.
მას შემდეგ, რაც სამართალდამცველებმა მძღოლს ავტობუსის გაჩერება უბრძანეს, მან გაქცევა სცადა. მისი დაჭერა და გაჩერება კრაკოვის მახლობლად, ზაკოპიანკას დასახლების მიდამოში გახდა შესაძლებელი.
სამართალდამცველებმა ავტობუსში 28 ადამიანი იპოვეს, რომელთაგან 26 თურქეთის და ორი ავღანეთის მოქალაქეა.
არალეგალ მგზავრებს შორის 12 ბავშვი აღმოჩნდა, მათგან ყველაზე მცირეწლოვანი – 4 თვისაა.
მიგრანტების სავარაუდო დანიშნულება გერმანია იყო, თუმცა უცნობია, თუ როგორ მოხვდნენ ისინი შენგენის ზონაში.
დაკავებულებს შორის არის საქართველოს მოქალაქე, რომელიც მიგრანტთა ავტობუსის მძღოლის თანამზრახველად ითვლება.