ევროპარლამენტარები მოუწოდებენ ევროკავშირს, მისცეს თავშესაფარი რუსეთის იმ მოქალაქეებს, რომლებიც არმიაში სამსახურზე უარს ამბობენ.
17 ევროპარლამენტარის წერილს „დოიჩე ველეს“ რუსულენოვანი ბიურო ავრცელებს.
წერილში ევროდეპუტატები მოუწოდებენ ევროკავშირს, რუსეთი მოქალაქეებისთვის სავიზო პოლიტიკა შეიმუშაოს, რომელიც უზრუნველყოფს თავშესაფრის მიცემას იმ რუსებისთვის, რომლებიც უკრაინაში საომრად წასვლაზე უარს ამბობენ.
„იმ ფაქტის გათვალისწინებით, რომ რუსეთის შეიარაღებულ ძალები არღვევენ ადამიანის უფლებებს და საერთაშორისო ჰუმანიტარულ სამართალს უკრაინაში, რუსეთის მოქალაქეებს აქვთ მორალური გამართლება, რატომ არ სურთ იმ არიაში სამსახური, რომელიც ომშია ჩართული“, – ნათქვამია ევროდეპუტატების წერილში.
ევროპარლამენტარები ვარაუდობენ, რომ რუსეთში სამხედროს სამსახურის ვალდებულების შესახებ, კანონის გამკაცრებისა და პოტენციური მობილიზაციის ახალი ტალღების ფონზე, ევროკავშირის ქვეყნებს თავშესაფრის მიღების მოთხოვნით რუსეთის მოქალაქეთა განაცხადების რაოდენობა გაიზრდება.
წერილის ავტორები მიიჩნევენ, რომ ევროკავშირი და მისი წევრი სახელმწიფოები ვალდებულები არიან, უზრუნველყონ თავშესაფრით რუსეთის მოქალაქეები, რომლებიც არმიაში სამსახურზე უარს ამბობენ.