შოვში სამძებრო სამუშაოების დროს ნაპოვნ 12 ადამიანს შორის ერთ-ერთი ზაზა მესხის ცოლი, ალინა პოლიკოვსკასია. ინფორმაციას სოციალური ქსელის საშუალებით აქვეყნებს მესხის ყოფილი მეუღლე – სინტა დეპონტი.
“პირველი სიახლე გვაქვს და არ არის კარგი. ქუთაისის სასამართლო ექსპერტიზის ბიუროში ვიყავით და დავადგინეთ, რომ ალინა 3 აგვისტოს გარდაცვლილა შოვის სტიქიაში”, – წერს ქალი.
შოვში, იმ დროს როცა იქ, ღვარცოფი და მეწყრული პროცესები განვითარდა მის ყოფილ ქმართან ერთად მათი საერთო შვილებიც იყვნენ.
“დანარჩენ ოჯახის წევრებზე, ზაზა მესხსა და ჩვენს შვილებზე ჯერ არაფერია ცნობილი”, – ამბობს ქალი.
ნაპოვნი დაღუპული ადამიანებიდან ნაწილის ამოცნობა ვერ ხერხდება. მათ შორის ამ ეტაპზე არ არის ცნობილი, დაღუპული ადამიანებიდან რამდენია ქალი, კაცი ან ბავშვი.
კომენტარები