“სტიქიის ზონაში ხვალიდან ვაგრძელებთ გზების გაჭრას, რათა მეწყრულ მასას ოთხივე მხრიდან მივუდგეთ”

ხვალიდან ვაგრძელებთ გზების გაჭრას, რათა მეწყრულ მასას ოთხივე მხრიდან მივუდგეთ და იმედი გვაქვს, ძებნის არეალს უფრო გავზრდით, – განაცხადა მთავრობის ადმინისტრაციის რეგიონებთან ურთიერთობის დეპარტამენტის უფროსმა, ლერი ბარნაბიშვილმა, სტიქიის ზონაში, საკოორდინაციო შტაბის სხდომის დასრულების შემდეგ „ქრონიკას“ განუცხადა.

მისი თქმით, დღეს დილიდან სტიქიის ზონაში 4 გარდაცვლილის ცხედარია ნაპოვნი და დაკარგულთა მოძიების სამუშაოები ამ წუთებშიც მიმდინარეობს.

„სამწუხაროდ, ცოცხლების მოძებნა ვერ მოხერხდა. მინდა მივუსამძიმრო ყველა გარდაცვლილის ოჯახის წევრებს“, – განაცხადა ბარნაბიშვილმა.

მისივე თქმით, სამძებრო ღონისძიებები მთელი ღამის განმავლობაში მიმდინარეობდა, თუმცა იგი დილიდან უფრო ინტენსიური გახდა, რადგან მეტი ტექნიკა და თავდაცვის ძალები ჩაერთო. კერძოდ, საინჟინრო ბატალიონის 200 სამხედრო.

„ხვალიდან ვაგრძელებთ გზების გაჭრას, რათა მეწყრულ მასას ოთხივე მხრიდან მივუდგეთ და იმედი გვაქვს, ძებნის არეალს უფრო გავზრდით“, – განაცხადა ბარნაბიშვილმა.