შოვში სტიქიის შედეგად დაღუპული 18 ცხედრიდან 12-ის ვინაობა უკვე დადგენილია. მათ შორისაა – ნინო კენჭაძე, ალინა პოლიკოვსკა, გიორგი გოგინაშვილი, ქსენია ტრიჩევა და დავით ბერიაშვილი.
დაღუპულებს შორის უკვე ამოცნობილია ბავშვიც – ლუკა დუდაშვილი. ინფორმაციას ოჯახის ახლო ნათესავები ადასტურებენ.
ლუკა გია დუდაშვილის შვილია, რომელიც სტიქიის პირველივე დღიდან მეუღლის და სამი შვილის ძებნას ითხოვდა.
რაჭაში, სტიქიის კიდევ ერთი მსხვერპლი 18 წლის სამირა ისაევაა. ინფორმაციას გოგონას ახლობლები ადასტურებენ.
ცნობისთვის, 3 აგვისტოს, ონის მუნიციპალიტეტში, შოვში მეწყრის შედეგად მიწის მასა ჩამოიშალა. ბოლო მონაცემებით, დაღუპულია 18 ადამიანი, ხოლო სტიქიის ზონიდან, 200-ზე მეტი პირია გამოყვანილი. ადგილზე ამ დრომდე უწყვეტი სამაშველო სამუშაოები მიმდინარეობს. შოვში მომხდარი ტრაგედიის გამო, 7 აგვისტო გლოვის დღედ გამოცხადდა.