მინდა შევეხო ჭორს, არასწორ ინფორმაციას, რომელიც ჩემთან და ჩემს ოჯახთან მიმართებაში იქნა გავრცელებული მიზანმიმართულად, რომ თითქოს მე გამოვიყენე სახელმწიფო ვერტმფრენი და სახელმწიფო ვერტმფრენის საშუალების ჩემი შვილები გამოვიყვანე სტიქიის ზონიდან. რა თქმა უნდა, ეს არის ძალიან დიდი ტყუილი, არასწორი ინფორმაცია,- ამის შესახებ დედაქალაქის მერმა კახა კალაძემ განაცხადა.
„ამასთან დაკავშირებით მე გავაკეთე განმარტებები, საზოგადოებას ვუთხარი სიმართლე. უბრალოდ ვერ წარმომიდგენია ადამიანი, რომელიც ასე იმოქმედებდა და ამ ნაბიჯებს გადადგამდა. მე უბრალოდ ვერ წარმომიდგენია ადამიანი, ვინც ამას გააკეთებდა. არანაირი მნიშვნელობა არ აქვს, ვის რა პოლიტიკური შეხედულება აქვს, მაგრამ ძალიან მძიმეა, როდესაც ამ ყველაფერს აკეთებთ მიზანმიმართულად და იმისთვის, რომ გამაშავოთ პირდაპირ მე და აგრესიულად განაწყოთ ადამიანები ჩემ მიმართ, ჩემი ოჯახის მიმართ. ზუსტად ამის მცდელობა იყო აღნიშნული სიცრუე და პირდაპირ შეიძლება ითქვას, ეს იყო დიდი ბოროტება. ამ საკითხზე მე მომმართა რამდენიმე დღის წინ ტელეკომპანია „იმედმა“, რომ მიმეცა უფლება მოეპოვებინათ ვიდეოკამერის ჩანაწერები, როგორ გამოდის როგორ გამოდიან სასტუმრო „შოვიდან“ ჩემი მცირეწლოვანი შვილები. რა თქმა უნდა მე მივეცი თანხმობა. საზოგადოებამ სიმართლე თავად იხილა და ნახა, რისი მკადრებელია ზოგიერთი მედიასაშუალება, პოლიტიკოსი თუ პოლიტიკური აქტივისტი. აქვე უნდა აღვნიშნო, რომ იყვნენ ისეთი ადა იანებიც, ვინც აღნიშნული ბოროტება დაგმო. იყო უამრავი ჟჟურნალისტი, რომელიც ოპოზიციურ ტელეარხში მუშაობს და არ წყდებოდა სმსები და შეტყობინებები ჩვენს პრესსამსახურთან, რომ ეს იყო ძალიან დიდი სიბინძურე და მადლობა თითოეულ მათგანს ამ პოზიციისთვის“, – განაცხადა კალაძემ.