დაღუპული პოლიციელის – მირიან ჭელიძის ოჯახის წევრი სოციალურ ქსელში ემოციურ პოსტს აქვეყნებს:
“ეს რა დილა გამითენე ჩემო პატარა და დიდგულიანო ბიჭო…
შინაგან საქმეთა სამინისტრო ღრმა მწუხარებას გამოთქვამს ამბროლაურის რაიონული სამმართველოს საგამოძიებო განყოფილების გამომძიებელის, 1975 წელს დაბადებული მირიან ჭელიძის გარდაცვალების გამო.
პოლიციის მაიორი, ონის მუნიციპალიტეტში სამსახურებრივ მოვალეობას ასრულებდა, იგი სტიქიური უბედურების ზონაში მიმდინარე სამაშველო ღონისძიებების ფარგლებში იცავდა საზოგადოებრივ წესრიგს, რა დროსაც შეუძლოდ გახდა და საავადმყოფოში მიყვანამდე გზაში გარდაიცვალა.
შინაგან საქმეთა სამინისტრო მირიან ჭელიძის გარდაცვალების გამო, თანაუგრძნობს გარდაცვლილის ოჯახს, ახლობლებს და თანამშრომლებს” – წერს ნინი ჭელიძე.
ცნობისათვის, ამბროლაურის რაიონული სამმართველოს გამომძიებელი, 48 წლის მირიან ჭელიძე სტიქიის ზონაში სამსახურებრივი მოვალეობის შესრულებისას გარდაიცვალა.
ასევე ვრცელდება სქრინი, რომელზეც, ერთ-ერთ პოსტზე მირიან ჭელიძის პასუხი ჩანს – “მადლობა, იცოცხლეთ ყველამ…”