შოვში, სტიქიის ზონაში დაღუპულთა ცხედრების სამძებრო სამუშაოები უწყვეტ რეჟიმში მიმდინარეობს დღეს მაშველებმა კიდევ ერთი ცხედარი იპოვეს და ამით მეწყერის შედეგად დაღუპულთა რაოდენობა 21-მდე გაიზარდა. ბოლო ინფორმაციით მაშველები კიდევ 10-ზე მეტ დაკარგულს ეძებენ. მათ შორის არის 23 წლის მარტოხელა დედა, სოფო ბაკურაძე.ინფორმაციას სოციალურ ქსელში მისი ახლობლები ავრცელებენ.
“უკვე მეექვსე დღეა ოთხი წლის ლუსი დედას მოუთმენლად ელოდება, უფრსები ეუბნებიან, რომ დედა კანფეტების საყიდლადაა წასული და მალე დაბრუნდება. ლუსი, ხშირად მიჰყავთ სხვადასხვა ადგილას, იქნებ დედა უფრო იშვიათად მოიკითხოს. სოფო ბაკურაძე 23 წლის მარტოხელა დედაა, სოფელ გლოლადან, ის შოვში, კოტეჯებში მუშაობდა და ლუსის ბოლოს, 3 აგვისტოს, ჩაეხუტებით გამოემშვიდობა. სოფოს მაშველები ამ დრომდე ეძებენ.
ლუსიზე ზრუნვის სრული პასუხისმგებლობა მარტოხელა დედას ჰქონდა, სოციალური შემწეობის ამარა დარჩენილს კი, ახლა ჩვენი მხარდაჭერა სჭირდება. ვიცით შეუძლებელია დედის მონატრებას ვუშველოთ რამე, ვერც დედის მოფერებას შეედრება ჩვენი მზრუნველობა, მაგრამ რაც სოფოს შეგვიძლია გავუკეთოთ ახლა, ლუსიზე ზრუნვაა.
“რაჭა-ლეჩხუმ ქვემო სვანეთის თვითმმართველობის რესურს ცენტრი” და “რაჭის ახალგაზრდული ასამბლეა” ვიწყებთ ზრუნვას ლუსისთვის. ახლა საზოგადოების თითოეული წევრის თანადგომა ნებისმიერი ფორმით ჩვენთვის ფასეულია.
თუ მხარდაჭერა შეგიძლიათ სათამაშოებით, ტანსაცმლით ან პროდუქტებით დაგვიკავშირდით: ანი – 599 70 04 99 ლამარა – 598 21 19 15
თანხის ჩარიცხვის მსურველებმა:
TBC #GE67TB7993945064300064(პ/ნ 04001013163)მიმღები -ლამარა ბოჭორიშვილი
Bank of Georgia #GE27BG0000000565975342(პ/ნ 04001001846)მიმღები – ნინო (ნანა) სოხაძე
რაჭველების სახელით, კიდევ ერთხელ დიდ მადლობას გიხდით სრულიად საქართველოს თანადგომისა და თანაგრძნობისვის ამ მძიმე დღეებში” – წერენ სოციალურ ქსელში.