თვითმხილველები მოსკოვში მომხდარი კიდევ ერთი აფეთქების შესახებ იუწყებიან. წინასწარი მონაცემებით, დრონი აფეთქდა კარამიშევსკის სანაპიროს სიახლოვეს. პირველად ამის შესახებ ცნობა ტელეგრამის არხებმა “ბაზამ”, Shot-მა და Mash-მა გაავრცელეს. შემდეგ ინფორმაცია აფეთქების შესახებ მოსკოვის მერმა სერგეი სობიანინმა დაადასტურა.
Mash-ის მონაცემებით, აფეთქება მოხდა მარშალ ჟუკოვის გამზირზე მდებარე ხიდის ტერიტორიაზე. დრონი მდინარე მოსკოვის კალაპოტის გასწვრივ დაახლოებით 150 მეტრის სიმაღლეზე მიფრინავდა. ამის შემდეგ თვითმხილველებმა აფეთქების ხმა გაიგეს.
Shot-ის თანახმად, თვითმფრინავის ნამსხვრევები 67-ე საავადმყოფოს მახლობლად მდებარე პარკში იპოვეს.
11 აგვისტოს დილიდან ცნობილი გახდა, რომ „ვნუკოვოს“ აეროპორტის რაიონში საჰაერო სივრცე დაიკეტა, გადადებულია რეისები“. აეროპორტის პრესსამსახურში აცხადებენ, რომ თვითმფრინავების ნაწილი სხვა აეროპორტებში გადაამისამართეს.
სააგენტო “რია ნოვოსტის” თანახმად, ეს, სავარაუდოდ, დრონით თავდასხმას უკავშირდება.