შემოდგომიდან აშშ-სა და ჩინეთს შორის სამოქალაქო რეისების რაოდენობა გაორმაგდება. ამის შესახებ Reuters-ი იტყობინება.
აშშ-ის ტრანსპორტის დეპარტამენტის მონაცემებით, 1 სექტემბრიდან ჩინური კომპანიები ყოველკვირეულად აშშ-ში და უკუმიმართულებით 18-ჯერ იფრენენ, 29 ოქტომბრიდან კი ყოველკვირეულად 24 ასეთი რეისი შესრულდება. ჩინეთის მთავრობა ამერიკული ავიაკომპანიებისთვის ანალოგიურ გადაწყვეტილებას მიიღებს.
ამ შეთანხმებას პეკინმა და ვაშინგტონმა მას შემდეგ მიაღწიეს, რაც ჩინეთმა პანდემიის დროს ჯგუფურ ტურებზე დაწესებული შეზღუდვები მოხსნა.
კომენტარები