„გირჩის“ წევრები კახა ბენდუქიძის მიმდევრები არიან; ორივე „გირჩი“ თავიდან ბოლომდე კახა ბენდუქიძის პირმშოა – რუსული მატრიოშკა რომ გავხსნათ – „გირჩი“ – ჩავედით კახა ბენდუქიძესთან – კახა ბენდუქიძით ჩავედით რუსეთის ყოფილ პრემიერ-მინისტრ ეგორ გაიდართან, – ამის შესახებ სამოქალაქო აქტივისტი არჩიბალდ მეკეში აცხადებს, რომელიც პოლიტიკურ პარტიას ქმნის და არჩევნებში მონაწილეობისთვის ემზადება.
მისივე შეფასებით, „გირჩი“სახელმწიფოს მიერ გადადგმულ ნაბიჯებს პოპულისტურად იყენებს და აცხადებს, რომ „ვითომ მონობის წინააღმდეგია“.
„მეც არ ვარ სავალდებულო სამხედრო სამსახურის მომხრე, მაგრამ პარტია, რომელიც დითირამბებს უძღვნის თემურ ჭყონიას, „თიბისი ბანკს“, ერთხელ არ გაუპროტესტებია ვინმეს ხელფასი, ეს პარტია გელაპარაკება – #არამონობას. ისინი არიან მონობის ყველაზე დიდი აპოლოგეტები. მათი იდეოლოგია ქადაგებს დიდი კორპორაციების სრულ თავისუფლებას, რომ ისინი მოიქცნენ როგორც უნდათ და ხალხი დაბოლებული ჰყავთ. ჩემი მიზანია მათი სრული განადგურება და ამ აბსურდის დასრულება საქართველოში. „გირჩის“ წევრები კახა ბენდუქიძის მიმდევრები არიან. ორივე „გირჩი“ თავიდან ბოლომდე კახა ბენდუქიძის პირმშოა. რუსული მატრიოშკა რომ გავხსნათ – „გირჩი“, ჩავედით კახა ბენდუქიძესთან, კახა ბენდუქიძით ჩავედით რუსეთის ყოფილ პრემიერ-მინისტრ ეგორ გაიდართან. ეგორ გაიდართან აღმოცენებული კახა ბენდუქიძე, „ვარდების რევოლუციის“ შემდეგ ჩამოდის საქართველოში კრემლიდან და იქმნება პროპაგანდისტული მანქანები, რითაც პრავდება ეს ნაბიჯები. წაიკითხეთ ზურა ჯაფარიძის სტატია ჩვენს ხარჯზე გამდიდრებულების შესახებ, სადაც რობინზონ კრუზოს მაგალითზე პრავდება პუტინის სახელმწიფო კომპანიების მიერ საქართველოს სტრატეგიული და ბუნებრივი რესურსების ფლობა, აბსურდები ხომ ევასებათ. კახა ბენდუქიძემ დაიწყო ქონებების პრივატიზება და გადასვლა კერძო კომპანიების ხელში, რომლებიც აღმოჩნდნენ პუტინის სახელმწიფო კომპანიები“, – აცხადებს არჩიბალდ მეკეში.