მატარებელს რომელიც თბილისიდან ბათუმის მიმართულებით 10:25 წუთზე გავა, მეორე ვაგონში გაეთიშა კონდიცირება. სწორედ ამიტომ, საქართველოს რკინიგზა მეორე ვაგონის მგზავრებს ბათუმის მიმართულებით, ვმკ ტიპის მატარებლით ჩაიყვანს, სადაც გამართულად მუშაობს გაგრილების სისტემა, – ამის შესახებ განცხადებას საქართველოს რკინიგზა ავრცელებს.
მათივე ცნობით, დამატებითი მატარებელი თბილისიდან 10:50-ზე დაიძვრება.
„აქვე უნდა აღვნიშნოთ, რომ ბათუმიდან 18:20-ის რეისზე შტადლერის ტიპის მატარებლით თბილისში მომავალი მეორე ვაგონის მგზავრები, წამოვლენ ასევე ვმკტიპის მატარებლით. დამატებითი მატარებელი 18:50-ზე დაიძვრება.
საუბარია მხოლოდ მეორე ვაგონის მგზავრებზე ორივე მიმართულებით. შექმნილი უხერხულობის გამო საქართველოს რკინიგზა ბოდიშს გიხდით. ბილეთის ღირებულების სხვაობა მეორე ვაგონის ყველა მგზავრს აუნაზღაურდება“, – აღნიშნულია გავრცელებულ ინფორმაციაში.