სამხრეთ კორეამ და შეერთებულმა შტატებმა ერთობლივი სამხედრო წვრთნა დაიწყეს, რომლის მიზანიც ჩრდილოეთ კორეიდან მომდინარე ბირთვული და სარაკეტო საფრთხის წინააღმდეგ მათი თავდაცვისუნარიანობისა და მზადყოფნის გაძლიერებაა. ფხენიანში კი აცხადებენ, რომ მსგავსი მანევრები ვაშინგტონისა და სეულის მხრიდან ჩრდილოეთ კორეაში შეჭრისთვის მზადებაა.
Reuters-ის ინფორმაციით, წვრთნები ჩრდილოეთკორეელი ჰაკერების სამიზნე გახდა. თუმცა, სამხრეთ კორეის პოლიცია იტყობინება, რომ ჰაკერებმა საიდუმლო ინფორმაციის მოპოვება ვერ შეძლეს.
სწავლება, სახელწოდებით „ულჩის თავისუფლების ფარი“ 31 აგვისტომდე გაგრძელდება და მასში სამხედრო-საზღვაო, საჰაერო და კოსმოსური ძალების დანაყოფები მიიღებენ მონაწილეობას.
კომენტარები