უკრაინის შეიარაღებულ ძალებს უჭირთ რუსული არმიის თავდაცვის გარღვევა დიდწილად იმის გამო, რომ უკრაინული არმიის საუკეთესო შენაერთები არასწორ ადგილებში არიან განლაგებულები. ამის შესახებ აშშ-ის ოფიციალურ პირებზე დაყრდნობით The New York Times-ი წერს.
მათი განცხადებით, უკრაინული არმიის მეთაურობამ ორ თანაბარ ნაწილად გაყო თავისი ჯარები სამხრეთისა და აღმოსავლეთის ფრონტებზე, ნაცვლად იმისა, რომ მთელი საცეცხლე ძალის კონცენტრირება ყირიმსა და რუსეთს შორის კავშირის გარღვევაზე მოეხდინა, რაც კონტრიერიშის მთავარ ამოცანად სახელდებოდა.
როგორც NYT-ის სტატიაშია აღნიშნული, ამერიკელმა ოფიციალურმა პირებმა უკრაინას ურჩიეს, შეეცვალა თავისი ტაქტიკა, წინააღმდეგ შემთხვევაში, მათი თქმით, კონტრიერიშის ტემპი არ შეიცვლება.
არსებული ინფორმაციით, მიმდინარე თვეში ვიდეოკონფერენციის დროს დასავლელი ქვეყნების მაღალჩინოსანმა სამხედროებმა ურჩიეს უკრაინის შეიარაღებული ძალების მთავარსარდალს, ვალერი ზალუჟნის, ერთ ფრონტზე მოახდინოს კონცენტრირება და მან ეს რჩევა მიიღო.
ამერიკელი ოფიციალური პირების თქმით, უკრაინას აქვს 4-6 კვირა იქამდე, ვიდრე წვიმები კიევს კონტრიერიშის შეჩერებას აიძულებს.