მედიაჰოლდინგ “რეპორტიორის” დამფუძნებელი გიორგი მამაცაშვილი სოციალურ ქსელში პოსტს აქვეყნებს.
”იშვიათია ადამიანი, რომელსაც დიდი შემოქმედის სტატუსთან ერთად დიდ ქართველსაც თამამად ვუწოდებთ.
ასეთი იყო თემო გოცაძე!
ასეთი იყო და ვისაც ერთხელ მაინც უსაუბრია მასთან, უცილობლად დამეთანხმება.
მქონდა ბედნიერება, მყვარებოდა ეს დიდი კაცი.
და უფრო დიდი ბედნიერება მქონდა, უმცროს მეგობრად ჩავეთვალე…
ქალბატონ მარინასთან და ბატონ თემოსთან ურთიერთობა დიდი გაკვეთილი იყო ყოველგვარი შესვენების გარეშე.
ამბობდა, რასაც ფიქრობდა.
ამბობდა, რაც ტკიოდა.
ამბობდა პირდაპირ, მიუკიბ-მოუკიბავად და თან ისე, რომ კითხვის დასმაც არ გჭირდებოდა.
ამბობდა გულწრფელად.
ამბობდა სიყვარულით.
ამბობდა და ფიქრობდა ისე, როგორც საქართველოს სჭირდებოდა.
ხატავდა ისე, როგორც მის სულს უხაროდა.
ხატავდა ქართულად.
დიახ!
შემოქმედებად უბადლონი იყვნენ.
რესპონდენტებად უბადლონი იყვნენ.
მეგობრებად უბადლონი იყვნენ.
ადამიანებად უბადლონი იყვნენ.
წავიდა დიდი მხატვარი.
წავიდა დიდი ადამიანი.
წავიდა დიდი ქართველი და ერთ-ერთი განსაკუთრებულად სახელმწიფოებრივად მოაზროვნე კაცი.
თემო გოცაძე 💔”